RUBRICA

Mauro Corona e sa Sardinnia

Mauro Corona
Condividici...

di Antonio Corona
______________________________

 

 

Maurizio Corona prus connotu coment’e Mauro Corona est unu scritori nomenau, un alpinista e scultori in linna. At scritu liburus meda pinniche-ndi premius de onnia parti. Corona est nàsciu in su 1950. Tenit 72 annus. Su babu e sa mama fìant bendidoris ambulantis, ma s’aiàiu parrit, comenti at nau Corona, chi fessit pastori, emigrau de sa Sardinnia  po fai su matessi traballu. Apustis de is primus annus de sa piccinia passaus in su Trentinu, Mauru tòrrat in Friuli a sa bidda de Erto, imoi in província de Pordenone. Imparat de su babu su prexei de andai a cassa a fura, sa stima po sa montagna e s’alpinismu. De s’aiàiu imparat a sculpiri sa linna. Prima di essi scritori, scultori e alpinista nomenau at traballau in d’una cava de màrmuri e un’orta serrada at fatu su picapedreri. Imoi est unu personàgiu de televisioni. Me in is ùltimus  tempus ddu bideus a “Carta bianca”, trasmissioni condúsia de Bianca Berlinguer. Una cosa tenit de bellu Corona: su chi tenit in su coru, ddu tenit in sa lingua. E in coru tenit puru una stima manna po sa Sardinnia. Custus funt is fueddus suus po s’ ísula e po is sardus chi a nai ca funt bellus est pagu cosa. Eus circau de ddus furriai in sardu a sa bona, in campidanesu de sa Marmilla.

“Fortzis calincunu si ndi scarèscit. Candu nascis in Sardinnia, benis a su mundu fillu de duas mamas: sa prima chi ti génerat, t’allatat, ti educat, s’atra chi t’affortiat, ti ‘onat caràteri e ti ponit unu sinniali po sempri. Ses fillu de una mama e fillu de sa terra. Sa Sardinnia no est scéti unu logu innòi si bivit. Essi sardu est meda de prus, est a reconnòsci su profumu de sa muta carinniau de s’ària a sabor’e sabi, est a poni is peis me in s’arrastu lassau de unu chi cument’e tui at circau unu furrungoni de celu cuau in mesu a is costas de arroca o aíntru de su territoriu spinosu. Èssi sardu t’imparat a respirai cichendu in donnia bucada su profumu de su mari. Est aíci chi nascis e fais connosci sa vida tua tzerrie-ndi-ddu a totu su mundu in su mentris chi sa cultura, sa fieresa e sa storia ti pònint arréxinis in s’ànima, si trotoxiant in su stògumu e t’afortiant is ossus. Si nascis in Sardinnia, nascis de una costa de sa Terra Mama. E no as’acabai mai de t’intendi parti e cun fieresa de unu furrungoni de Paradisu: Stimau prus de totus, Odiau, Disdiciau, Imbidiau. Fillu de su ‘entu e de su mari.”

RIPRODUZIONE RISERVATA
Condividici...

CLICCA sotto PER LEGGERE GLI ANNUNCI

CLICCA sotto PER LEGGERE

Argomenti

Bonus Docenti

Su questo sito Web utilizziamo strumenti di prima o di terzi che memorizzano piccoli file (cookie) sul dispositivo. I cookie vengono normalmente utilizzati per consentire al sito di funzionare correttamente (cookie tecnici), per generare report di navigazione (cookie statistici) e per pubblicizzare adeguatamente i nostri servizi / prodotti (cookie di profilazione). Possiamo utilizzare direttamente i cookie tecnici, ma hai il diritto di scegliere se abilitare o meno i cookie statistici e di profilazione. Abilitando questi cookie, ci aiuti a offrirti un’esperienza migliore. Cookie policy