Scracalius

di Gigi Tatti

_______________________

Osvaldu in Casteddu, abarrat blocau cun dd’ una picioca in s’ascensori. Arribat su portinàiu
Su portinaiu: Abarrai calmus e tranquillus. Su ténnicu est arribendi. Dd’apu giai tzerriau. Ma boli sciri perou, si aintru, c’est calincuna fèmina incinta.
Osvaldu: Po imoi no. Ma si no si sbrigais podit capitai!

____________________________________________________________________________________

Crisponziu telefonat a una agenzia funebre
Crisponziu: Mi serbit un‘interru po sroga mia.
S’Agenzia Funebre: Comenti ddi serbit?
Crisponziu: Chi siat baratu, lestru e sene dda fai sunfriri meda!
____________________________________________________________________________________

Duus Papagallus s’incontrant, unu est bistiu beni e unu bistiu mali
Su bistiu beni: A mei sa vida est andada beni. Fatzu su Papagallu in dd’una cafeteria.
Su bistiu mali: A mei inveci est andada mali. Fatzu su Papagallu in dd’un’ospidali!
______________________________________________________________________________________

Osvaldu telefonat a sa pobidda Irma
Osvaldu: Prontu, Irma.
Irma: Si. Ita bolis?
Osvaldu: Ti bolia avisai ca Fisieddu fut scriendi su còmpitu.
Irma: E insaras?
Osvaldu: No sciu coment’at fatu, ma ci at ingùrtiu sa matita.
Irma: Céssu t’arrori! E imoi su pipiu, ita est fadendi?
Osvaldu: Abarra tranquilla, ca g’est scriendi cun sa pinna!
_______________________________________________________________________________

Tziu Antoni incontrat a s’amigu Benignu chi fait su pastori
Tziu Antoni: Saludi Bernardu e de pastorìtzia comenti seus andendi?
Benignu: Totu beni e ti fatzu sciri, ca seu imparendi una brebei a fueddai.
Tziu Antoni: Ma ita ses brullendi. Ma ita narat?
Benignu: Po imoi est cumentzendi a nai su nòmini miu.
Tziu Antoni: Bellu meda! E comenti ti tzèrriat?
Benignu: Po imoi at cumentzau a nai Be… a pustis dda depu imparai a nai… Nignu!